විස්කම්

සමනළයෙක් ඇවිදින්
තණකොළයක් සමඟින්
පුංචි කතාවක වාගේ
සීතල පිණි වැස්සේ

තණපත් හැඩ කරලා
කව්දෝ කවි ලියලා
තාලයකුත් රැඳිලා
ගැයුමට පද බැඳිලා

රෑ අහසට පායා
සඳ සාවී ගයනා
තරු රංචුත් එබිලා
සමනළයා දැකලා

පුංචි දරුවො පිපෙනා
මල් මෙන් ලොව සරසා
මේ විස්කම් කරනා
කව්දැයි පැණ නැගෙනා

ලොව ලස්සන කරනා
හැඩ රුව ගුණ වරුණා
සොඳුරුයි පිරි සොබනා
සොබා දමයි දිනනා..

-තුෂාරි ප්‍රියංගිකා නැන්දා-
මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails