පුංචි පුංචි බොල් පිණිකැට
පුංචි දෙපා සිපගන්නට
ලා තණ ගොබ උඩට වෙලා
රණ්ඩු කරනවා
පුංචි මලේ උඹ වෙනුවෙන්
උඳුපියලිය පලස එලා
වෙලේ නියර නිල්ල ඉහන්
බලා ඉන්නවා

කුරුළු ගෙවල් දොර ඇරියා
වත්ත පහළ දොළ හැඬුවා
නෑහුන ගානින් නිදියා
ඉන්න එපා මලේ
ගිරව් රෑන උදේ රැයින්
වෙල් ඉපනැල්ලට ඇවිදින්
ගුරු ගෙදරට උඹ යන මග
සිංඳු කියනවා

පුංචි පුංචි බොල් පිණිකැට....

මද්දහනේ නුඹ එනකොට
කුසගිනි විමසා බලන්න
බැද්ද පුරා ඇඹුල් පේර
පොකුරු පැහෙනවා
මුළු ලෝකෙම ඉහට අරන්
පුංචි මලේ ගෙදර වරෙන්
ඉදිකඩ ළඟ මං නැවතී
බලා ඉන්නවා

පුංචි පුංචි බොල් පිණිකැට....

සිංදුව අහන්න

මියැසිය- රෝහණ වීරසිංහ
ගායනය- එඩ්වඩ් ජයකොඩි


කුමාරදාස සපුතන්ත‍්‍රී



මේ බූන්දිය ඔබේ මූණු පොතට එක් කරන්න | Share this Boondi on Facebook
| | edit post


මහ පාරක් අසල ලොකු ගහක කූඩුවක් හදාගත් රාජාලියෙක් පැටවු ගැහැව්වා. මේ කූඩුව තිබුණේ මුහුදෙන් බොහොම ඈත.

ගහ අසල මිනිසුන් කීපදෙනෙක් වැඩකරමින් ඉන්නකොට රාජාලි අම්මා මුහුදෙන් ලොකු මාළුවෙකු ඩැහැගෙන පැටව් ලඟට ආවා. මාලුවා දුටු මිනිස්සු ගහ වට කරගෙන කෑ ගහන්ටයි, රාජාලියාට ගල් ගහන්ටයි පටන් ගත්තා. රාජාලියා මාළුවා බිම දැම්මා. මිනිස්සු මාලුවා අරගෙන ගියා.

රාජාලියා කූඩුව අයිනේ වහලා හිටියා. රාජාලි පැටව් කෑම ඉල්ලා කෑ ගහන්ට පටන් ගත්තා.

රාජාලියාට බොහොම මහන්සි හන්දා ආයෙත් මූදට පියඹා යන්ට ශක්තිය තිබුණේ නැහැ. ඌ තම පැටව් පියාපත් වලින් වහගෙන හුරතල් කලා. උන්ගේ පිහාටු හොටෙන් පිස දැම්මා. ටිකක් ඉවසන ලෙස රාජාලි අම්මා පැටවුන්ගෙන් ඉල්ලා හිටියා වගෙ. පැටවුන්ව වැඩියෙන් හුරතල් කල තරමට උන් කෑම ඉල්ලා කෑ ගැසුවා.

එතකොට රාජාලි අම්මා ඉහළ අත්තකට පියඹා ගියා. පැටවු වැඩියෙන් කෑ ගහන්ට පටන් ගත්තා.


රාජාලි අම්මා මහ හයියෙන් හඬ නගා පියාපත් වනලා මුහුද දෙසට පියාඹා ගියා.

හවස ඇඳිරි වැටුණායින් පසු රාජාලි අම්මා සෙමින්, සෙමින් පහළින් පියාඹා ආවා. ඌ ආවේ ලොකු මාලුවෙකු ඩැහැගෙනයි.

ගහ ළඟට ආ රාජාලි අම්මා වට පිට බැලුවා මිනිසුන් නැත්ද කියා දැනගන්ට. ඉක්මනට ඌ කූඩුව අයිනෙ වැහුවා.

රාජාලි පැටවු කටවල් ඇරලා කෑම ඉල්ලුවා. රාජාලි අම්මා මාලුවා කෑලි වලට ඉරලා පැටවුන්ට බෙදා දුන්නා.

[උපුටනය- ලියෝ තෝල්ස්තෝයි ළමා කතා| ප්‍රකාශනය -ප්‍රෝග්‍රසිව් පබිලිෂින් හවුස්]

ලියෝ තෝල්ස්තෝයි



මේ බූන්දිය ඔබේ මූණු පොතට එක් කරන්න | Share this Boondi on Facebook
| | edit post


ශ්‍රී පාදෙන් මතු වෙලා
කඳු අසිරිය බල බලා
මහවැලි ගං කුමරි වඩියි
කඳු අතරින් ගල ගලා

හෝහෝ ගාමින් හෙමින්
පොල්ගොල්‍ලෙන් හැරවෙමින්
ශ්‍රී දළදා සමිඳු වඳියි
රජ රට වෙත යන ගමන්

මාදුරු ඔය කොත්මලේ
මොරගහ රන්දෙනි ගලේ
මහවැලි ජලකඳ එක්වෙයි
වික්ටෝරිය ඇළදොරින්

කල්පනා ඇම්බ්‍රෝස්
1987| 5 වසර C

'කව්මුතු' කාව්‍ය සංග්‍රහයෙනි

මාලතී කල්පනා ඇම්බ්‍රෝස්



මේ බූන්දිය ඔබේ මූණු පොතට එක් කරන්න | Share this Boondi on Facebook
| | edit post
Related Posts with Thumbnails