තෝරන්ට හපන්නු ඉඳී නම් මෙන්න තේරවිලි හතරක්.

1. කටුවානෙන් කෙටුවා වැනි කොළේ සැටී
රතු නූලෙන් ගෙතුවා වැනි මලේ සැටී
තුන් මස පිරෙන විට කුකුළෙක් තරම් ඇතී
සාර මසට පැසෙනා ගෙඩි කියන් සකී

2. අරහෙ බලාපන් අත්තක ඉඳ ලෝලු
පපුව පලාගෙන අඟනන් මද කාලු
කකා ගිය ලෙල්ල රසකර උයාලු
අද බැරිනම් හෙට තෝරාපන් යාළු

3. වරදක් නැතිව ගහකට බඳිනවා දුටින්
ලෙඩක් නැතිව බෙහෙතක් කවනවා දුටින්
දුකක් නැතිව තිස්සෙම අඬනවා දුටින්
හැලියක් අරන් ජලයත් මනිනවා දුටින්

4. උසුලා සත්මසක් දරුවන් වැදු මවට
බැඳලා ගෙන ගොසින් දමමින් ගලක් පිට
බිඳලා ඇට සන්ධි වෙන්කර අහක් කොට
වැඳලා පුතුන් කැඳවාගෙන යෙති ගමට




මේ බූන්දිය ඔබේ මූණු පොතට එක් කරන්න | Share this Boondi on Facebook
| | edit post
Related Posts with Thumbnails