ඉරහාමී බයවෙලා
වලාකුලක ගුලි වෙලා
වලාකුලම බර වෙලා
වතුර බිංදු ඇහැරිලා

හුළඟ මෙන්න සැර වෙලා
ගහ කොළ වැල් අඹරලා
හමන සද්දෙ වැඩි වෙලා
කුරුළු රංචු හැංගිලා

වැහි පොද මහ වැහි වෙලා
මල් වල පෙති විසිරිලා
සමණල තටු දිය වෙලා
වතුර ගලයි බොර වෙලා

පුංචි පැටව් එක් වෙලා
කඩදහි ඔරු අලවලා
පා කරනවා හැඩ බලා
මූණෙ හිනා ඉතිරිලා




ලිව්වේ :වසිලිස්සා
චිත්‍ර ඇන්දේ : නම නොකියූ සුරංගනාවි මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails