පුංචි පුංචි බොල් පිණිකැට
පුංචි දෙපා සිපගන්නට
ලා තණ ගොබ උඩට වෙලා
රණ්ඩු කරනවා
පුංචි මලේ උඹ වෙනුවෙන්
උඳුපියලිය පලස එලා
වෙලේ නියර නිල්ල ඉහන්
බලා ඉන්නවා

කුරුළු ගෙවල් දොර ඇරියා
වත්ත පහළ දොළ හැඬුවා
නෑහුන ගානින් නිදියා
ඉන්න එපා මලේ
ගිරව් රෑන උදේ රැයින්
වෙල් ඉපනැල්ලට ඇවිදින්
ගුරු ගෙදරට උඹ යන මග
සිංඳු කියනවා

පුංචි පුංචි බොල් පිණිකැට....

මද්දහනේ නුඹ එනකොට
කුසගිනි විමසා බලන්න
බැද්ද පුරා ඇඹුල් පේර
පොකුරු පැහෙනවා
මුළු ලෝකෙම ඉහට අරන්
පුංචි මලේ ගෙදර වරෙන්
ඉදිකඩ ළඟ මං නැවතී
බලා ඉන්නවා

පුංචි පුංචි බොල් පිණිකැට....

සිංදුව අහන්න

මියැසිය- රෝහණ වීරසිංහ
ගායනය- එඩ්වඩ් ජයකොඩි


කුමාරදාස සපුතන්ත‍්‍රී



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails