මකුළු සීයේ මකුළු සීයේ මොකද කරන්නේ
දැලක් වියන් මොකටද ඔය බලාන ඉන්නේ
නූල් කොහෙන්දෝ ඔච්චර බඩේ තියෙන්නේ
පුළුන් ගහක ගෙඩි කාලද කියල කියන්නේ
ඊයේ රෑ මහ වැස්සට දැල ගෙට ගත්තද
උදේ ආයි වේලෙන්නට අව්වේ වැනුවද
මුර කරන්නෙ දැල කවුරුතු ගෙනියයි කියලද
හුළඟට ඉරුණොත් මහන්න ඉඳිකටු ඕනෙද
මකුළු ආච්චී උන්නා අපේ බිත්තියේ
බිත්තරයක් බඩේ බැඳන් කොහේදෝ ගියේ
තරහ වෙලාදෝ දෙන්නා කියන්න සීයේ
දැලක් වියන්නද තනියම දුව දුවා ගියේ
